Ко̄ххт кӯль эллькэнҍ ча̄зесьт е̄лле

Кӯль пӯдтӭнҍ Иммьле, кэ̄джьлэнҍ, касьт Иммель поаһк сыйетҍ е̄лле? Авьтмусса пӯдӭ Иммьле лӯсс я са̄ррн: »Иммель, лӯшьт мун ме̄рр ча̄зесьт я соавьй ча̄зесьт е̄лле. Ме̄рэсьт мунн алка шэ̄ннтэ, э соавьй ча̄дза алка мӣйнэтҍ ко̄дтэ. Соавьй ча̄зесьт аллькэв шэ̄ннтэ лӯз – алка. Маӈӈа сыйй кӣррсэв соавьй ёгэ̅ мӣлльтэ ме̄рре. Ме̄рэсьт сыйй шэ̄ннтэв шӯрр кӯль райя.
Иммель лыгкэ ныдтҍ, ко̄ххт кэ̄же лӯсс. Лӯсс лӣ мо̄джесь тоавас ме̄рр кӯлль, чӯввесь чӯмэгуэйм, рӯппьсэсь вӯйй цӯпэнҍ. Соавьй ёгэнҍ лӯсс пыннь ӣжесь алкатҍ, тэнн гуэйкэ со̄нн ̅поабпхалл вӯӈӈькэ.

Вуэсск лӣ лӯз вӣлльй. Вуэсск я̄лл соавьй ча̄зесьт ыгегуэйм, вуэсск лӣ мо̄джесь кӯлль, чӯм ле̄в руэнн – чоаһпесь чуаягуэйм. Иммель энҍтэ соннӭ мугка кыррьй коавь. Вуэсскан лӣ па̄ннҍ я
чӯллья̄вьр кӯлль. Кыдта вуэсск коадт сӯйн лӯһтэ сызнҍ. Ныдтҍ Иммель ся̄дэ вӯсскнэ е̄лле. Моайнас пугк.

Яковлев Мыдтҍре Ла̄зэр

Популярные сообщения из этого блога

Семилетний стрелок из лука

Саам - богатырь

Гирвас - озеро